Lawks Missa Marcus

Sar yu woulda be one hundred and thirty four ears old tidey

If yu neva did tek up an go ded

Young young man jus baaly inna yu prime

Teck up an ded

Mek mi si 5+2 = 7

Still yu neva choose a bad age fi ded yu no

Cause di auspiciousness of yu age of dedding

Is plain for those who have eyes to see to see

But no Bredda Macus mi fraid fi sey no more

Cause dem have one law de wey mi no understand

Yu si is very natural fi mi fi wuk mi likkle numba dem

But di law mi mention might fine it supernatural

But mek mi si again 1+3=4 and 4+4 =8……. Ah a si

If yu did still alive yu woulda a celebrate diffrantly

Cause dis signification of rebirth and completeness birthday

Fall under di numba 8

But Bredda Marcus wid all you teach bout lauding our Africaness

Yu woulda si say a plenty people a celebrate yu birthday plenty plenty

But is ungly some parts a Africa dem wa fi tek inna dem house wid dem

An as fi tecking Africa into dem life and way of living  LOL

Just a thought, Bredda Marcus, Just a thought.